夜晚要睇波，所以呢篇野都係昨晚寫定，暫時都未知美股可唔可以倒升，但以昨天阿爺個股市跌2-3%，人仔一跌就400個點子黎睇，相信港股下半年首個交易日，都好難唔低開了。
上半年非常難炒，青冰僥倖有微利，真係要去還神，二月個浪打埋黎，令順風順水的投資者走避不及，青冰也是其一，默默耕耘兩個多月，終於浮番上水面，亦都多番提醒自己，嘩下次再有浪打埋黎，一定要力保艱苦得來的成果，學股神話，投資第一係唔好輸錢，第二係記住第一句。
早兩日文章的留言，青冰都有提過，自己在上周五繼續減貨，只留守一些主力股，對於一些睇唔通，沒太大信心的，或者跟炒概念的，全數沽出。邊啲係主力股呢，可以分享一下冧把，但不要盲跟啊，留佢地，係因為對佢地熟悉，有盈利坐住，尤其是後者，在市況差的時候，不需要問專家，坐住仍然有錢贏的股，才是王道。...
See More
Search